第67章
没做过额事体哪能澄清？不是越描越黑？
小汤帮侬讨论过伐啦？
讲过额呀，伊也了解我为人。过两天冬至，我搭伊一道回去。
拜见未来丈人老头丈母娘咯？沈一明放下心来。
总归要额呀。
搿两天嘞公司里不大响，伊是做嘞不开心伐啦？沈一明觉得小汤最近情绪不高。
大概是太吃力了，应该像剧团一样，有个a角b角，身体吃不消，有人顶替一下就好一眼。伊不欢喜节目里厢太多广告，卖物什拨听众，好像做好节目，吸引人家来，就是为了卖物什拨人家。太功利化！伊欢喜读读古文，讲讲经，接接电话，谈谈心事就好啦。
没办法，电台要生存，倷三友要我塞进去噶许多广告，我收了钞票，只好照做。侬懂额呀。
怪我咯？
卢刚再一笑。
我也想抽离现实世界，谈谈国文经典，优雅有腔调，现实不允许啊！
有辰光想想，要是没广告，电台也可以生存下去就好了。纯粹做节目，真正吸引到气味相投的人，组织大家外头吃吃白相相
啥人出钞票呢？
每个人集资，或者大老板赞助呀！
想法是蛮好。不过电台竞争嘎激烈，还有日本人盯牢，前两天，汉口路望平街口的和丰商行，楼上客房，捉着好几个，刘某、汤某，搿两天听到过伊拉节目伐啦？
好像没。
侪捉进去了呀！
日本人捉啊？
公共租界捕房捉额，搿两天捉了三四十个。沈一明凑近轻声讲。
理由是啥？
有额么借古讽今，讲《戚继光抗倭》的故事，有额么发布危险言论。
啥额危险言论？
讲这一战，中国必胜，但附有条件，必须力用够，苦吃够，断无便宜的胜！
卢刚听了只觉得无语：租界为啥管搿种事体？
背后头日本人打电话拨租界警务处，以政治理由要求引渡，搿面没答应伊，要押到日本人提出确凿证据额辰光，再解送法院或者交拨日本人。
表面硬档，实际上软得不得了。卢刚嗤笑。
卢刚想起，近日路过卡德路中华无线电传习所，看见上课额辰光，有日本便衣立嘞窗口头监视，学生多已缺课，剩下的战战兢兢，无心向学。美商亚达无线电修理公司华人经理杨树芬，本来想借三友实业社几间教室开设无线电通信班，亦因环境恶劣，不得不放弃。
孤岛气氛已日趋紧张，日军随时准备插手租界了。
第91章 ☆、暗语
卢刚回到永利村，自家买汰烧，等小汤回来，一道吃。
无线电里正在放汤申佳诵读《滕王阁序》的唱片：闲云潭影日悠悠，物换星移几度秋。
阁中帝子今何在？槛外长江空自流。
刚好读到押末一句，小汤开门进来，像从无线电里走出来一样。
正好喏，汰手吃饭。卢刚端之葱鲫鱼、虾仁豆腐上桌。
灵额嘛！小汤调拖鞋，进灶披间汰手，帮忙盛饭，调了只米啊？
迭只西贡米三十八块，暹罗米三十八块半。本地粳米和籼米侪要四十块了。
今早老秦讲，阿拉播音额辰光，要规范化，让标准成为习惯，让习惯符合标准，搿人不是变成像机器一样？
播新闻额辰光应该正规一点，严肃一点，其他节目倒也不必。
还讲，阿拉没国语节目，听众面太窄，准备要寻一个北方人，做报告小姐。小汤盛汤，喝了一口，咸淡正好，伊收到北平、重庆的听众来信，点播严雪亭的弹词开篇，证明阿拉电台在北方也有市场。
卢刚想起无线电传习所的情形，点头称是：确实，上海闲话垃上海通行无阻，但是上海还有交关北方人、南方人，全国各地侪有，听不懂上海闲话。听不懂，就变成暗语一样。前两天我看人家教无线电发报、传密电码，用额就是暗语，专门要日本人听不懂，立嘞门口像憨大一样。
搿种地方少去去，危险巴拉。汤申佳对局势有点担心，新开河铁门，记得伐？
在救火会南面，老早农民银行额地方。卢刚经常要进出租界跑业务，搿个月头十一号开额呀。
对，现在开嘞等于没开，啥证侪没用，就是不放。十月、十一月、十二月发的市民证，还有日本海军司令部发额蓝颜色通行证，日本陆军司令部发额白颜色通行证侪不认。
南市额进不来，租界额出不去？
对，等于法租界跟南市联系拗断。小东门、小北门南阳桥，铁门侪关特，两旁边铁丝网勒牢，荒草丛生，垃圾遍地。铁门旁边有法国捕房派额武装巡捕。浦东南码头，一样不认，老早开额证，侪没用。
通关密码改了大概。卢刚苦笑，无非是通行费增加了，盛了一口汤，摆渡生意一塌糊涂嘞！
好像是，原来七分银钿，现在五分、六分，还没人乘。
听人家讲，前两天，虹口有个日本人，拨人家碎尸，头也寻不着，身体只有一半，血淋哒滴，个么日本人紧张嘞，宪警出动，五人一个小分队，到密勒路吴淞路武昌路闵行路昆山路路口，设卡拦截，检查行人车辆。不是一般额检查哦，看到怀疑的，不管男女，要脱衣裳检查。住垃附近额，侪要接受搜查盘诘，稍微反应慢一眼，一只耳光上去。
日本人越来越无法无天了。小汤忿忿扒了一口饭，怪不得搿两天外白渡桥、乍浦路桥、北四川路桥上头侪有日本人设卡检查，哇啦哇啦，凶来兮。
公共租界也收紧了？
海宁路、文监师路本来不是有铁刺网嘛？后来拨人家弄出来两只缺口，人好爬进爬出，搿两天也有人立嘞伊面，荷枪检查。
真的没事体覅出去算了，碰着赤佬不合算。卢刚夹了一块鱼腩拨小汤。
现在，电影公司还算硬档。日本人寻伊拉代拍影片，拿了剧本，谈了好几爿公司，伊拉侪讲，代拍影片么，对于公司来讲，只要钞票到位，自无不可。不过战后各公司额设施，侪要取决于全体工作人员，所以第一步手续，必须要全体工作人员同意。小汤讲得来自家觉着好笑。
硬碰硬，乓回去。卢刚头点点，电影界还算有点骨气！
日本国际映画新闻社长，正派人上下活动，要电影公司将国产影片轮流运往游击区去放映，扩大影响力，还想要电影审查权。
啥人讲额？
徐老师呀。小汤舀了一羹虾仁豆腐，把虾仁挑出来拨卢刚，伊额剧本，多数是讽刺喜剧，拨日本人看，玩乖。
卢刚算了一笔账：现在电影势头好，一张新片，第一轮放映，已经卖到四五万块，即使二轮三轮戏院，每天的卖座，也往往超过战前的一轮戏院。淞沪大战前，除特《姊妹花》搿种电影特别卖座之外，其他平均一张片子，在上海的收入，大概就是两万块上下，跟现在一比，推板不是一眼眼。
拍来拍去么古装片呀，质量又不灵，十几天拍一部，马虎来兮，有额穿帮镜头我都看出来了，伊拉还没剪特！反映现实额片子有伐？小汤最近听信报纸吹嘘，看了几部古装片，一部比一部粗制滥造。
搿眼片子么多数卖拨南洋额侨胞，伊拉欢喜看。卖到菲律宾、马来西亚、暹罗、香港，还要算上汇率因素，当地货币一涨，制片商收入也增加。就算原材料涨价，但由于制片时间缩短，以及处处力求节约，压低成本，所以比打仗之前赚得结棍。
混腔势咯？能混多少日脚？小汤吃饱，顺手拧开壁角额良友牌5g1小型五灯机，古琴曲《平沙落雁》在客厅弥散开来。
再吃两口呀，就剩一眼眼，不尴不尬。卢刚最怕隔
夜菜。
小汤摇摇头，卢刚只好闷头啃光：肚皮涨煞。
奖励侬呀。小汤眼睛一煞，发出暗语，卢刚心领神会，解开衬衫准备汰浴。
等一歇呀，外头兜一圈再回来。小汤一边汰碗盏一边讲。
外头太冷。卢刚皱眉，明显不想离开热水汀。
再冷也要走。看侬只肚皮，越来越大。
小汤帮侬讨论过伐啦？
讲过额呀，伊也了解我为人。过两天冬至，我搭伊一道回去。
拜见未来丈人老头丈母娘咯？沈一明放下心来。
总归要额呀。
搿两天嘞公司里不大响，伊是做嘞不开心伐啦？沈一明觉得小汤最近情绪不高。
大概是太吃力了，应该像剧团一样，有个a角b角，身体吃不消，有人顶替一下就好一眼。伊不欢喜节目里厢太多广告，卖物什拨听众，好像做好节目，吸引人家来，就是为了卖物什拨人家。太功利化！伊欢喜读读古文，讲讲经，接接电话，谈谈心事就好啦。
没办法，电台要生存，倷三友要我塞进去噶许多广告，我收了钞票，只好照做。侬懂额呀。
怪我咯？
卢刚再一笑。
我也想抽离现实世界，谈谈国文经典，优雅有腔调，现实不允许啊！
有辰光想想，要是没广告，电台也可以生存下去就好了。纯粹做节目，真正吸引到气味相投的人，组织大家外头吃吃白相相
啥人出钞票呢？
每个人集资，或者大老板赞助呀！
想法是蛮好。不过电台竞争嘎激烈，还有日本人盯牢，前两天，汉口路望平街口的和丰商行，楼上客房，捉着好几个，刘某、汤某，搿两天听到过伊拉节目伐啦？
好像没。
侪捉进去了呀！
日本人捉啊？
公共租界捕房捉额，搿两天捉了三四十个。沈一明凑近轻声讲。
理由是啥？
有额么借古讽今，讲《戚继光抗倭》的故事，有额么发布危险言论。
啥额危险言论？
讲这一战，中国必胜，但附有条件，必须力用够，苦吃够，断无便宜的胜！
卢刚听了只觉得无语：租界为啥管搿种事体？
背后头日本人打电话拨租界警务处，以政治理由要求引渡，搿面没答应伊，要押到日本人提出确凿证据额辰光，再解送法院或者交拨日本人。
表面硬档，实际上软得不得了。卢刚嗤笑。
卢刚想起，近日路过卡德路中华无线电传习所，看见上课额辰光，有日本便衣立嘞窗口头监视，学生多已缺课，剩下的战战兢兢，无心向学。美商亚达无线电修理公司华人经理杨树芬，本来想借三友实业社几间教室开设无线电通信班，亦因环境恶劣，不得不放弃。
孤岛气氛已日趋紧张，日军随时准备插手租界了。
第91章 ☆、暗语
卢刚回到永利村，自家买汰烧，等小汤回来，一道吃。
无线电里正在放汤申佳诵读《滕王阁序》的唱片：闲云潭影日悠悠，物换星移几度秋。
阁中帝子今何在？槛外长江空自流。
刚好读到押末一句，小汤开门进来，像从无线电里走出来一样。
正好喏，汰手吃饭。卢刚端之葱鲫鱼、虾仁豆腐上桌。
灵额嘛！小汤调拖鞋，进灶披间汰手，帮忙盛饭，调了只米啊？
迭只西贡米三十八块，暹罗米三十八块半。本地粳米和籼米侪要四十块了。
今早老秦讲，阿拉播音额辰光，要规范化，让标准成为习惯，让习惯符合标准，搿人不是变成像机器一样？
播新闻额辰光应该正规一点，严肃一点，其他节目倒也不必。
还讲，阿拉没国语节目，听众面太窄，准备要寻一个北方人，做报告小姐。小汤盛汤，喝了一口，咸淡正好，伊收到北平、重庆的听众来信，点播严雪亭的弹词开篇，证明阿拉电台在北方也有市场。
卢刚想起无线电传习所的情形，点头称是：确实，上海闲话垃上海通行无阻，但是上海还有交关北方人、南方人，全国各地侪有，听不懂上海闲话。听不懂，就变成暗语一样。前两天我看人家教无线电发报、传密电码，用额就是暗语，专门要日本人听不懂，立嘞门口像憨大一样。
搿种地方少去去，危险巴拉。汤申佳对局势有点担心，新开河铁门，记得伐？
在救火会南面，老早农民银行额地方。卢刚经常要进出租界跑业务，搿个月头十一号开额呀。
对，现在开嘞等于没开，啥证侪没用，就是不放。十月、十一月、十二月发的市民证，还有日本海军司令部发额蓝颜色通行证，日本陆军司令部发额白颜色通行证侪不认。
南市额进不来，租界额出不去？
对，等于法租界跟南市联系拗断。小东门、小北门南阳桥，铁门侪关特，两旁边铁丝网勒牢，荒草丛生，垃圾遍地。铁门旁边有法国捕房派额武装巡捕。浦东南码头，一样不认，老早开额证，侪没用。
通关密码改了大概。卢刚苦笑，无非是通行费增加了，盛了一口汤，摆渡生意一塌糊涂嘞！
好像是，原来七分银钿，现在五分、六分，还没人乘。
听人家讲，前两天，虹口有个日本人，拨人家碎尸，头也寻不着，身体只有一半，血淋哒滴，个么日本人紧张嘞，宪警出动，五人一个小分队，到密勒路吴淞路武昌路闵行路昆山路路口，设卡拦截，检查行人车辆。不是一般额检查哦，看到怀疑的，不管男女，要脱衣裳检查。住垃附近额，侪要接受搜查盘诘，稍微反应慢一眼，一只耳光上去。
日本人越来越无法无天了。小汤忿忿扒了一口饭，怪不得搿两天外白渡桥、乍浦路桥、北四川路桥上头侪有日本人设卡检查，哇啦哇啦，凶来兮。
公共租界也收紧了？
海宁路、文监师路本来不是有铁刺网嘛？后来拨人家弄出来两只缺口，人好爬进爬出，搿两天也有人立嘞伊面，荷枪检查。
真的没事体覅出去算了，碰着赤佬不合算。卢刚夹了一块鱼腩拨小汤。
现在，电影公司还算硬档。日本人寻伊拉代拍影片，拿了剧本，谈了好几爿公司，伊拉侪讲，代拍影片么，对于公司来讲，只要钞票到位，自无不可。不过战后各公司额设施，侪要取决于全体工作人员，所以第一步手续，必须要全体工作人员同意。小汤讲得来自家觉着好笑。
硬碰硬，乓回去。卢刚头点点，电影界还算有点骨气！
日本国际映画新闻社长，正派人上下活动，要电影公司将国产影片轮流运往游击区去放映，扩大影响力，还想要电影审查权。
啥人讲额？
徐老师呀。小汤舀了一羹虾仁豆腐，把虾仁挑出来拨卢刚，伊额剧本，多数是讽刺喜剧，拨日本人看，玩乖。
卢刚算了一笔账：现在电影势头好，一张新片，第一轮放映，已经卖到四五万块，即使二轮三轮戏院，每天的卖座，也往往超过战前的一轮戏院。淞沪大战前，除特《姊妹花》搿种电影特别卖座之外，其他平均一张片子，在上海的收入，大概就是两万块上下，跟现在一比，推板不是一眼眼。
拍来拍去么古装片呀，质量又不灵，十几天拍一部，马虎来兮，有额穿帮镜头我都看出来了，伊拉还没剪特！反映现实额片子有伐？小汤最近听信报纸吹嘘，看了几部古装片，一部比一部粗制滥造。
搿眼片子么多数卖拨南洋额侨胞，伊拉欢喜看。卖到菲律宾、马来西亚、暹罗、香港，还要算上汇率因素，当地货币一涨，制片商收入也增加。就算原材料涨价，但由于制片时间缩短，以及处处力求节约，压低成本，所以比打仗之前赚得结棍。
混腔势咯？能混多少日脚？小汤吃饱，顺手拧开壁角额良友牌5g1小型五灯机，古琴曲《平沙落雁》在客厅弥散开来。
再吃两口呀，就剩一眼眼，不尴不尬。卢刚最怕隔
夜菜。
小汤摇摇头，卢刚只好闷头啃光：肚皮涨煞。
奖励侬呀。小汤眼睛一煞，发出暗语，卢刚心领神会，解开衬衫准备汰浴。
等一歇呀，外头兜一圈再回来。小汤一边汰碗盏一边讲。
外头太冷。卢刚皱眉，明显不想离开热水汀。
再冷也要走。看侬只肚皮，越来越大。